Aholkuak

Bideokonferentzia bitartean

• Puntualitatea: finkatutako orduan hasi eta amaitu saioa.
  .
• Ongi hasi eta amaitu: edukazio osoz egin arrera aurrean dituzun ikusleei, galde iezaiezu ea ongi ikusten eta entzuten zaituzten. Amaitzerakoan eman dizuten aukeragatik eskerrak eman.
  .
• Zaindu ahotsa: ahotsaren kalitatea ez da apartekoa bideokonferentzia egiten dugunean. Gainera, segundo bat beranduago iristen zaigu soinua. Honetaz aparte, kontuan izan behar dugu ere, erabiltzen ari garen hizkuntza ez dela normalean guk erabiltzen duguna. Behin eta berriro errepikatu behar diegu ikasleei zaindu dezatela ahotsa, ozen hitz egin, ondo ahoskatu eta normalean baina mantsoago hitz egin behar dutela.
  .
• Beharrezkoak ez diren soinuak baztertu: mikrofonoak soinu guztiak harrapatzen ditu eta ozenago entzuten dira gainera. Horregatik soinu guztiak zaintzen saiatu behar gara: mahai eta ahulkien mugimenduak, paper soinua…Batzuetan hau lortzea zaila izango denez, egokia da guk hitz egiten ez dugunean mikrofonoa itzaltzea.
  .
• Naturaltasunez parte hartu: aldez aurretik ikasleekin gaia lantzea oso komenigarria da, baina, batzuetan, naturaltasuna galdu dezake bideokonferentziak. Nahiz eta beharrezkoa izan orden bat finkatzea, naturaltasunez parte hartzera animatu behar ditugu ikasleak. Horretarako interesgarriak izan daitezkeen hainbat galdera presta ditzakezu, elkarren artean solasaldi bat sortzeko. Interesgarria da ere, bakoitzak parte hartu aurretik nor den azaltzea, presentazio labur baten modura (izena, nondik datorren, jaioterria…)
  .
• Aria ez galdu: Hizlariak aria galdu badu eta finkatutako gaiari buruz aritu ez bada,lasai asko moztu eta berriro galdetu. Ikasle bat ere denbora asko ari bada hizketan eta besteek hitz egiteko aukera izan ez badute ona da moztea denek parte har dezaten.