Beharrezkoa den sistema

Zein sistema erabili? IP ala RDSI?

Ezberdintasunik nabarmenenak datuak bidaltzean erabiltzen den abiadura eta datu horien babesa dira. Nahiz eta internet konexioak asko hobetu diren, askotan denei gertatu zaigu interneteko abiadura asko mantsotu dela.

RDSI konexioa
Zentzu horretan RDSI lineak askoz ere fidagarriagoak eta iraunkorragok dira. Abiadura aldetik ez dira mantsotzen, eta oso gutxitan eteten da konexioa.

Telefonozko linea guztiak ez dira RDSI. Sistema hau aukeratu aurretik zure telefono sarea RDSI dela ziurtatu behar duzu. Bideokonferentzia batean erabiltzeko, gutxienez irauten duen bitartean, linea hori erabili gabe uztea lortu behar duzu. Beste aukera bat (garestiagoa noski) RDSI linea horretarako bakarrik izatea da. RDSI sarea bi telefono linea sinpleez osaturik dago. Linea sinple bakoitzak 64k duen abiadura ziurtatzen du, beraz, RDSI linea bakoitzak 128k abiadura du. Abiadura handiago nahi izanez gero RDSI linea gehiago behar ditugu.

128k duen abiadura erabiltzen badugu ahotsa primeran entzuten da, baina pertsona mugitzean bere irudia ere mugiturik ikusiko da. Arazo hau konpondu nahi bada abiadura bikoitza erabili beharko dugu (248k).

Arazo bakarra telefono deiaren prezioa izango da, bideokonferentzia bakoitzean erabilitako telefono linea sinple bakoitzarengatik biderkatu beharko dugu prezioa(bi RDSI linea bakoitzeko).

Hizkuntza teknikoan, RDSI lineak H.320 protokoloa erabiltzen duela esaten da.

IP konexioa
IP konexioa erabiltzeko internet erabilgarria izatea da beharrezkoa den gauza bakarra. Profesionala den ekipo bat erabiltzeko 128k-ko abiadura beharrezkoa da. Printzipioz, internet konexio normala badugu (512k-ko abiadura izango dugu), nahikoa izango da datuak bidaltzeko 128k behar dituen bideokonferentzia bat egiteko. Abiadura honekin, soinua ongi entzungo da, baina irudiak batzutan nahiko mugituak ikusiko dira.

IP konexioak oso erabilgarriak eta nahiko merkeak dira. Baina arazo larriena egonkortasunarena da. Bideokonferentzia egitean erabiltzen den IP konexioa zure sareko beste hainbat zerbitzurekin banatzen da: email, web…Normalean zenbat errekurtso geratzen zaizkizun libre kontrolatu behar duzu, bideokonferentzia ongi egiteko nahikoa izango den ala ez jakiteko.

IP konexioak batzutan konfigurazio arazoak ematen ditu, batez ere segurtasun handia duten sareak direla eta, ez da erraza ongi konfiguratzea.

Hizkuntza teknikoan IP konexioek H.323. protokoloa jarraitzen dutela esaten da.

Zer da hobea?
Hoberena bi kanalak izatea da eta, momentuaren arabera, bata edo bestea erabiltzea. Hauek dira kontuan hartu beharreko ezaugarriak:

• Bideokonferentzia egin nahi dugun toki guztiek ez dute bi kanal hauek erabiltzeko aukera izango. Sistema zaharrenek, lehen esan dugun bezala, RDSI konexioa egiteko aukera besterik ez dute izango.
• IP konexio bidez lortzen den egonkortasuna: gutxienez 128k lortu ditzakezula ikusten baduzu, printzipioz ez duzu arazorik eduki behar. Bideokonferentzia bakoitza baino lehen konexio froga bat egitea nahiko beharrezkoa da gauzak ongi irten daitezen.
• Kalitatearen bila bideokonferentzietan: kalitate handiko bideokonferentzia bat lortu nahi baduzu RDSI konexioak konfiantza handiagoa emango dizu.
• Kostua: RDSI konexio batek telefono dei batek duen kostu berbera dauka. Gero eta linea sinple gehiago erabili gero eta handiagoa izango da kostua. Behar bada ez da garestiegia izango deia nazio barrukoa bada, nazioartekoa izanez gero oso altua izan daiteke.